久違了的層層疊.
相是07年拍的, 之後一次參加是09年聖誕. 是參加. 不是玩.
其實我不明白為什麼輸了的人要受罰.
自小就有人教導賞是因為做了好事; 罰是因為做了壞事. 輸了要受罰, 就是代表’輸’是錯事/壞事.
我不是一個對善惡好壞沒有所謂的人. 我會避免做壞事. 硬要拖我下水, 我也不是一個喜歡受罰的人.
所以請不要期望我會笑, 你們的任何笑話對我來說只是空氣不規則的震動. 我會屏氣凝神, 抽走一塊然後放在上面. 不會笑, 不會叫.
你們輕鬆面對賞罰 (以及對其背後的好壞善惡沒有所謂) 是你們的事, 在此我容忍. 我只是不明白為何有人要為一個簡單的遊戲訂罰則, 讓社會的生存法則滲透輕鬆單純的遊戲裡. 是平日生活沒有覺悟嗎?
又, 你會訂下規則, 自己一個玩電玩輸了時要切下一隻手指, 這才會對遊戲有興趣? 才有娛樂性?
原本打算上 facebook post 返 1-2 個 post, 但係上唔到…
不過其實要講嘅野得2句:
1. 成團得6個人.
2. 6個人餐餐都食成圍人餸.
遲d再 post 6個人有幾多餸…
前日部desktop 個 windows 死左, 又要裝過. 諗住順手拆埋套 raid 5 裝2個 windows, 點知裝唔到… 結果玩左我成10個鐘….
宜家終於搞掂. 順便比大家睇下我張書枱有幾亂….
雖然有一日要同老大出街, 但係有2日都唔見佢. 加埋佢大佬放假, 今個星期返工差唔多變成一種享受.
同事提醒今個星期出考試成績, 搞到我緊張咗幾日. 好彩唔駛喊住口交學費.
好嘞, 講番張相: 有云君子不近庖廚, 但係我差唔多半年無正正經經的沖咖啡, 無論如何都要用下d 工具, 如果唔係就好晒… 不過唔好誤會, 呢杯係經過加工嘅3合1奶茶, 絕無咖啡成分…..
最近2個禮拜都為咗 final year project 同電腦煩咗好耐… 最慘係而家2樣野都未解決. project 個題目可能廣泛到空泛; 新裝 windows xp 仲未有齊 vista 的軟件, 新 router d setting 仲未可以令到 NAS 做 web server… 2 個層面, 3 個目標, 90個問題, 百九幾種可能… 每日24小時… 唉….
政府提出十九項改善空氣質素的建議諮詢公眾, 文件中提及一些建議對經濟的影響.
星島日報報導， 諮詢文件指社會每年需支付約六億元的成本，但每年效益卻高達十二億元。
－－
我想知 ’每年效益’ 點計: 係唔係包括發電成本增加，每度電電費上升，巴士加價，其他交通工具水漲船高…
繼07年後, 消防處又請消防隊目(控制) (SFN(C)).
2萬銀一個月, 幾吸引吖.
首先筆試- 港人至愛 multiple choice. 筆試後如果你得咗, 會通知你考打字, 之前可能或者有機會安排參觀通訊中心. 如果打字合格, 可即日面試. 內容由部門有咩車到車上有咩裝備都有. 如果一切順利, 會安排驗身. 之後畫押賣身.
我唔會話一切完結, 會話好戲在後頭.
我都有叫朋友仔去試, 但係 “insider” 全部都話係推人落火坑 (而我又認同). 工作辛苦嗎? 一般來說不. 人事不好嗎? 其他地方不會好多少. 值得去嗎? 似乎你去玩, 去做定去搞事累人.
見到discuss 有”人” 話驚自己 “over-qualified”, 又有人怕自己無學位. 我相信’廢’呢一方面好多人都 over-qualified, 因為入面都有碩士畢業生; 我亦相信佢份工唔係請大學生, 因為我到今時今日都未有學位.
如 control228 兄所言, 作為公僕, 任何人都係你服務對象, 任何人 (甚至會說人話的動物)都有權對你表示不滿及作出投訴; 另一方面在紀律部隊中, 有時候必須用(權)力硬上(令一切到位), 你上人時人上你, 如果你受軟唔受硬, 呢份工會改變你或者排擠你.
星期日同女朋友行山, 星期一至三返工(星期二要出元朗), 星期四自己跑山(上次條路) (之後後飲), 星期六同同事踩單車.
我就睇下一星期玩三日會唔會死…
尋日結果係自己一個行山.
同2星期前條路一樣, 不個就著多咗件短袖衫, 帶多一枝行山杖, 帶少200ml 水, 一個指南針, 一隻蕉. 應該裝備重量比上次有多無少.
原本想早D出發, 但係等咗好耐車, 結果去到起步點時間係同上次完全一樣: 10:45.
最初40分鐘係熱身, 車路加少少上山. 跟住40分鐘就不停上山. 水平1300米, 垂直上320米; 上次行已經知道辛苦, 今次仲要撞到行山隊, 路又窄, 好辛苦先可以爬佢地頭. 好彩佢地係行八仙嶺, 所以到咗屏風山開始就可以自己行. 行到呢度, 比預定快咗8分鐘, 以為OK啦…
之後去平頂坳, 條路好多碎石, 想行快D都唔得. 一直行, 行到第5個checkpoint C2504 (河邊), 發現完全無行快到, 心諗”唔係卦”, 但係又見到路牌話要行去鶴藪要3個鐘 (但係我用咗2.15個鐘行過黎), 搞到我唔知自己係快定慢. 算啦, 而家落山, 有樹蔭, 行快步啦.
由於長期用行山杖借力, 對手開始攰, 手掌開始痛添. 不過第二次過河, 我竟然又快咗7分鐘! 加埋起步快咗8分鐘, 咪足15分鐘? 但係絛路行咗8成, 我點快多15分鐘去達到理想速度呀…. 唉… 全程無抖過咁濟, 即係我快極都破唔到拿史密夫定律(Naismth’s Law)?? 真失敗… 落到山, 165分鐘, 無再快到… 行埋最後一段車路, 185分鐘, 追多10分鐘, 仍差5分鐘才能以上次一半時間完成…(上次行足6個鐘).
全程燒咗大概1700 kcal, 都算有做過野啦….. 好啦, 爛gag 時間:
上次行唔成八仙嶺撤退條路行咗6個鐘, 好慢. 所以要試下跑一次.
由於唔知會唔會得我一個行(跑), 所以都係post 個計劃上黎, 如果大家幾日唔見我, 拜託幫我報警…
如果我同大家講老麥, 大家一定明我講咩. 先排左面落單, 再排右面等食.
可能已經有人鬧: 邊有人咁白痴要人排2次嫁!!!
但係諗清楚D, 又原來唔少地方係咁…. 大XX, MX, 等港式快餐都係咁wor….
更有樣野你估唔到, 999 其實都係咁運作!!!
|
