Filed under: 公共服務
繼07年後, 消防處又請消防隊目(控制) (SFN(C)).
2萬銀一個月, 幾吸引吖.
首先筆試- 港人至愛 multiple choice. 筆試後如果你得咗, 會通知你考打字, 之前可能或者有機會安排參觀通訊中心. 如果打字合格, 可即日面試. 內容由部門有咩車到車上有咩裝備都有. 如果一切順利, 會安排驗身. 之後畫押賣身.
我唔會話一切完結, 會話好戲在後頭.
我都有叫朋友仔去試, 但係 “insider” 全部都話係推人落火坑 (而我又認同). 工作辛苦嗎? 一般來說不. 人事不好嗎? 其他地方不會好多少. 值得去嗎? 似乎你去玩, 去做定去搞事累人.
見到discuss 有”人” 話驚自己 “over-qualified”, 又有人怕自己無學位. 我相信’廢’呢一方面好多人都 over-qualified, 因為入面都有碩士畢業生; 我亦相信佢份工唔係請大學生, 因為我到今時今日都未有學位.
如 control228 兄所言, 作為公僕, 任何人都係你服務對象, 任何人 (甚至會說人話的動物)都有權對你表示不滿及作出投訴; 另一方面在紀律部隊中, 有時候必須用(權)力硬上(令一切到位), 你上人時人上你, 如果你受軟唔受硬, 呢份工會改變你或者排擠你.
Filed under: 野外生活
星期日同女朋友行山, 星期一至三返工(星期二要出元朗), 星期四自己跑山(上次條路) (之後後飲), 星期六同同事踩單車.
我就睇下一星期玩三日會唔會死…
Filed under: 野外生活
尋日結果係自己一個行山.
同2星期前條路一樣, 不個就著多咗件短袖衫, 帶多一枝行山杖, 帶少200ml 水, 一個指南針, 一隻蕉. 應該裝備重量比上次有多無少.
原本想早D出發, 但係等咗好耐車, 結果去到起步點時間係同上次完全一樣: 10:45.
最初40分鐘係熱身, 車路加少少上山. 跟住40分鐘就不停上山. 水平1300米, 垂直上320米; 上次行已經知道辛苦, 今次仲要撞到行山隊, 路又窄, 好辛苦先可以爬佢地頭. 好彩佢地係行八仙嶺, 所以到咗屏風山開始就可以自己行. 行到呢度, 比預定快咗8分鐘, 以為OK啦…
之後去平頂坳, 條路好多碎石, 想行快D都唔得. 一直行, 行到第5個checkpoint C2504 (河邊), 發現完全無行快到, 心諗”唔係卦”, 但係又見到路牌話要行去鶴藪要3個鐘 (但係我用咗2.15個鐘行過黎), 搞到我唔知自己係快定慢. 算啦, 而家落山, 有樹蔭, 行快步啦.
由於長期用行山杖借力, 對手開始攰, 手掌開始痛添. 不過第二次過河, 我竟然又快咗7分鐘! 加埋起步快咗8分鐘, 咪足15分鐘? 但係絛路行咗8成, 我點快多15分鐘去達到理想速度呀…. 唉… 全程無抖過咁濟, 即係我快極都破唔到拿史密夫定律(Naismth’s Law)?? 真失敗… 落到山, 165分鐘, 無再快到… 行埋最後一段車路, 185分鐘, 追多10分鐘, 仍差5分鐘才能以上次一半時間完成…(上次行足6個鐘).
全程燒咗大概1700 kcal, 都算有做過野啦….. 好啦, 爛gag 時間:
如果我同大家講老麥, 大家一定明我講咩. 先排左面落單, 再排右面等食.
可能已經有人鬧: 邊有人咁白痴要人排2次嫁!!!
但係諗清楚D, 又原來唔少地方係咁…. 大XX, MX, 等港式快餐都係咁wor….
更有樣野你估唔到, 999 其實都係咁運作!!!
Filed under: 野外生活
約咗幾個舊同事上星期日行山, 原定由鶴藪上黃嶺行八仙, 跟住落返大尾督走人. 計數要用4個鐘, 打算行6個鐘.
結果我地真係行咗6個鐘, 由10:45 行到 17:00. 不過唔係原定路線, 而係後備路線…
Filed under: 地產/建築
如果大家好似我咁成日望住有無政府工, 一定會留意到:
回想當年我仲係”行內人”, 嗰時真係爭崩頭嫁… 不過估唔到宜家搞到好似警察咁….高流失率…
除咗警察同散工, 佢係唯一全年招聘嘅政府工….
不過如果你未揀科, 千祈唔好以為有demand 就仆到去… 炒股嘅人都知, 當人人有一手, 就係時候走…
Filed under: 城市生活
唔知大家見過幾多款消防車? 可以上消防處網頁對下.
我有D懷疑自己係災星, 因為我見過好多消防車. LRU, MRU, ReT, HP, MP, LPA-PM, LPA-RM, RHP, HL, LT, MCU, CV, WSV, TL, Sknl, ALP, HLT, BAT, HT, FCC, FMC, MFT, MRT, FT, FIV, DT, MRV, MFV, MCTC, RRV, EMC ….
可以話除左船, BFT, LFA, pod, MV, MPsV, MPU, 全部見過…(機場車我visit 時都見過)…. 好多架(好彩唔係全部) 都係見佢地做緊野….
今朝11點收到flatmate 電話, 話彌敦道有4級火. 第一時間衝落街.
相片請到http://www.flickr.com/photos/alfred24601/sets/72157606646717337/
(more…)
Filed under: 唔知咩野
可能不同語氣, 出自不同人的口, 但有”豐富” 見工/轉工經驗的人都可能答過類似問題.
見呢份工時, 比人問過”你認為自己有咩能力可以勝任呢份工?”
“我以前做過保安, 輪過班; 亦都試過同一時間聽無線電, 聽電話同做文件, 可以同一時間處理幾件事. 另外, 有時我要在45秒內用電話把訊息傳遞.”
“但係我地係紀律部隊噃”
“我中學開始做童軍, 其後亦參與”志願服務”, 明白紀律生活”
-
另一次係”社交場合”, 比人問”點解你咁勁考到??”
“唔…. 可能因為我熟佢公司文化卦…. (話晒做咗4年)… 同埋可能之前個apprisal 好卦… (無錯, 我”番兜”佢)…..”
-
其實我都唔識形容我自己, 5年內做第5個engagement, 為3個部門服務. 今次仲要係做咗8個月(其中4個月training)就番去之前嗰度. 我真係唔知如果我再出去見工D老闆點睇我.
雖然我轉黎轉去都係同一個”僱主”. 鬼咩, 我老闆長工都有十幾萬人…. :p
