政府不再推銷GST

財爺唔再推銷GST, 好多人表示歡迎. 但半年的咨詢只知道市民不接受此一方案, 似乎咨詢步伐幾慢.

話時話, 無GST, 政府點擴闊稅基?

政府話擴闊稅基而不是增加收入, 即是想多d人交稅. 宜家香港有好多人都唔駛交薪俸稅(你估下賣菜揸的士地盤工點報稅?) 你話如果做民調, 有幾多人願意整D野要自己交稅? 比我我死人都話要班生意人同有錢佬養我啦, 就算唔養我都要佢地比錢我去睇醫生, 去圖書館/博物館, 同埋養班公務員比我鬧.

你話驚收入大上大落? 我理鬼你, 總之你今年無赤字就無point; 你話人口老化, 將來開支會大增? 等我退休, 你真係養我先講啦; 仲有, 我好唔滿意你個(唔係我個)垃圾政府, 唔駛旨意我再比多一個仙你, 無錢就要16萬公務員減人工啦..