白石角第一幅地皮由信置及南豐聯手投得, 而第二幅地皮則由信置, 南豐及嘉華擁有的公司投得.
不少報章均有提及拍賣期間信置及南豐董事於投第一幅地時有交談. 有分析員指如第一幅地皮不是由信置及南豐聯手投得, 二幅地皮可能以更高價錢成交. 拍賣官接受訪問時表示除非影響進度, 否則不能制止場內人士談話. 資深大律師湯家驊認為信置與南豐可能於場內達成共識. 民主黨何俊仁認為有關發展商可能聯手壓價, 並要求政府跟進有關事件.
—
其實, 拍賣時最願意出價的很多時都是擁有鄰近地皮的發展商, 因為合併發展一般都更具成本效益. 所以如果要說 “信置和南豐聯手壓價”, 則頗為牽強. (除非他們有其他辦法令其他發展商接受他們提供的利益而不舉手)
阿sir 話無論運動攀登定攀石, 都要 “心技體”.
令我想起很多運動: 實戰射擊要求 “DVC” (準繩, 速度, 火力); 劍道要 “劍氣體”; 劍擊高手不是以快取勝, 而是擅於心理戰; 射箭時除了要看準目標, 還要集中精神留意身體每一部份的姿勢. 好似好多運動都對精神狀態有要求.
大家有無做運動?
今朝聽收音機, 話胡國興表示稍後會傳召証人, 如証人不合作可能會控告有關人藐視法庭. 我心諗: 吓? 得嫁咩??
原來根據香港法例第86章《調查委員會條例》, 行政長官會同行政會議可委任調查委員會, 而調查研訊可視為司法程序, 當中亦訂明如無合理辯解而不按委員會傳票的要求出席研訊, 可經簡易程序定罪，可處罰款$1000及監禁3個月.
原來可以罰成千錢咁多….
尋日搭火車返屋企, 睇新聞見到阿扁大喊 “台灣要xx”, “台灣要正名” 等話, 個心突然離一離: 唔通做唔到 “永遠大總統”, 都要做 “最後一個總統”? 還是佢係無間道, 特登比位大陸入? (話時話, 如果大陸同台灣其實只係扯貓尾做大戲都幾好, 美國賣咁多軍火比台灣, 但係原來運晒返大陸做研究)
其實大陸都可以殺雞儆猴: 間唔中見到有d人口號多多, 不設實際, 不瞭解/不面對政治現實, 無論你滿腔熱血還是圖謀不軌, 都無好下場同埋累街坊.
有報導指工聯會陳婉嫻建議將黃大仙轉為廟宇文化區, 並於黃大仙廟東面設立13萬呎的跳蚤市場, 以供失業人士創業及吸引遊客. 陳婉嫻指有關建議對提出社會企業及幫助窮人創業的特首候選人是一項挑戰.
—
我唔知大家幾耐無去黃大仙, 但係其實黃大仙隔離塊地已經係創業坊!!(好似係遊樂場協會搞嘅…) 黃大仙亦已經係一個旅遊點!! 我唔明點解對特首候選人係一個挑戰, 唔通嫻姐暗串佢地無地區知識??
報章 (三月三日) 廣泛報導21名民主派立法會議員(不包括梁國雄, 陳偉業, 梁耀忠和劉慧卿) 就普選藍圖達成識. 當中包括特首選舉由1200人組成的提名委員會提名, 並將提名限額由100人降至50人. 立法會方面, 則建議取消功能組別, 而立法會中的一半議席由直選產生, 另一半則由比例代表制產生.
民建聯馬力認為有關建議與05年政府有關特首普選建議十分相似. 自由黨田北俊認為如提名委員會有1200人, 特首候選人應有150名提名.
—
如果提名委員會有1200人, 50人提名就可以參選, 咁最多咪有24個候選人?? 宜家Alan 有超過100個提名, 但係民意都好似唔係好高, 唔通認受性(中央又好, 市民又好)低到得50個提名都可以 “做好呢份工”??
|
