朝早食早餐, 又見無線賣蔡瀾逛菜欄. 突然驚覺, 佢同之前轁哥d節目都應該要家長指引.
點解? 佢地每一集都暴飲暴食, 仲要每次食野都叫到成枱都係. 餐餐三高一低 (高脂,高糖,高鹽,低纖) 你諗下如果你自己d仔女跟佢地咁食會變成點? 轁轁就真係人版啦.
身體唔健康不但只, 對心理都有影響. 宜家個個(廣告)都話要瘦, 如果d細路真係以為肥係罪, 你估佢地會自暴自棄, 定係地獄式減肥? 傷身, 傷心, 仲傷荷包!!
唔好以為呢d只係個人問題, 直情係社會問題! 如果太多人過肥係會對醫療系統造成壓力. 唔係純粹錢問題, 而係唔夠醫護人員. 仲有, 太多資源投入於醫療, 其實就係由其他地方抽撥過去, 即係成個人類文明發展減慢…
—
哈, 原來自己吹水咁勁!
我諗大家未必有 “會所” 會藉 (除咗gym, YMCA, 屋苑會所), 但係可能大家間唔中都會幫親下d咁嘅會所.
我講緊樓上cafe.
如果你醒目, 可能會發覺有d樓上cafe 門口有個牌寫住 “只招待會員”. 但係你入到去一樣有人serve 你, 埋單時無問你係咪會員, 更加無叫你入會.
唔知呢單新聞有無代表性呢??
在Yahoo! 看到2 單新聞, 大意是社民連抗議中大警告中大學報學生.
雖然唔知中大學報事件同佢有咩關係 (呀, 諗到啦, 佢定位係反對派), 但係如果佢唔去抗議, 我都唔會上佢website, 更加唔會知原來社會民主連線係走共產路線!!!
在成立宣言中, 佢地話要 “財富再分配，將公用事業、社會服務和基本建設全部或部份由公眾擁有”, 此外, 宣言中亦贊成兩岸和平統一.
在宣言最後, 佢地仲要話自己”更是絕不搖擺的左派“
真係失覺晒, 我宜家先知佢地做乜.
—
(點解標題係中大, 但內容完全無關?? 咪就係因為比人抽水囉)
如果你不是盲的, 相信你會說你看到 (雖然不一定是現在看到)
但為什麼你說你看到? “看到就是看到嘛”
為什麼你看到的是太陽? “不是太陽還是什麼?”
小時老師說光進入了眼球, 腦便能構成圖像. 我們看的是光, 不是景物.
我們常以為看到的光就是景物. 但哲學家告訴我們, 我們只能接觸表象, 不能接觸本體. 有時我們能透過表象了解本體, 但仍不能接觸本體.
我看到陽光, 有時也會看到天文台發放的太陽映像, 但原來我從未見過太陽.
中大學生報發表聲明, 拒絕認錯.
食色性也. 過千年前已有人意識到食慾和色慾都是人本性的一部份, 既是本性, 其實不能說成罪過. 現今亦有不少人認為我們不應把性看成忌諱.
年輕人想打破傳統禁忌不是問題, 但問題是他們忽略了其他人的價值觀. 你有選擇衣服穿說笑話的自由. 但你會否在葬禮上穿得大紅大紫, 一邊嚼香口膠, 一邊說黃色笑話, 以宣示人有自由穿鮮色衣服, 嚼香口膠, 話笑話和談性?
社會需要有勇氣的青年人, 更需要有腦的人.
明報引述工聯會的調查, 指有八成清潔工人收入比政府統計署公佈的平均數低.
我假設工聯會和政府統計署的調查方法一樣, 亦同樣準確.
八成人低於平均, 可推斷其餘二成人的收入極高, 否則不能有這麼多人低於平均. 為什麼人家收入高一截? 幸運, 工作表現好還是懂奉承上司? 還是他們剝削其他同業?
若是幸運才有這樣的收入, 我唔可以要求六合彩唔中都有錢收卦? 若是工作表現好才有這樣的收入, 我人工低怕且都表示我做得唔好卦, 唔通一個學生有權要求唔識做考試題目都可以同第一名有相同分數? 若是奉承上司才有這樣的收入, 咪又同之前一樣, 要做野先有錢囉. 唔鍾意做呢樣咪做第二樣囉.
又引述公聯會的調查, 39.5％受訪者表示，若工資沒有改善會「離職轉行」. 點解一定要加人工令一班係呢行無價值嘅人留喺度獻世? 其他行業要人做野, 你又夾硬推高個價, 唔單只清潔公司成本高咗, 其他行業想請勞工都難咗.
真係唔知班亂港分子係唔係要推倒市場經濟, 令勞動力錯配先開心.
—
(我都是打工嘅, 政府調查都顯示我人工低於平均. 咁點吖, 一係認命, 一係走. 唔好話公司逼人留低, 更加唔好話無得揀.)
|
