五級火

今朝11點收到flatmate 電話, 話彌敦道有4級火. 第一時間衝落街.

相片請到http://www.flickr.com/photos/alfred24601/sets/72157606646717337/

由銀行中心一行出去, 即時見到st. john 救護車, 就知道情況好壞. 見到3部鋼梯(TL)同時升起, 果然係4級火. 行到亞皆老街口, 見到危險物品車, 茶水車(CV), 2部流動指揮車(MCU), 照明燈車(LT). 記得上堂時, 出2架MCU 只有飛機事故同高速公路,隧道意外等需要2套車的事故, 5級火並沒有預設2架.

走到西洋菜街, 再跑到快富街, 見到煙帽車(BAT), 煙帽柜(BA pod), 以及流動傷者處理車(MCTC)- 只在傷者眾多時才需要的車. 幸而當時(約11:50)並不忙碌. 走到記者群中, 見到電單車(FMC)旁設了梯爬上簷篷. 所有升降台均沒有升起, 因大部份被困人士均在高層. 轉到砵蘭街, 見到第4部TL standby, 亦不是5級火”預設”調派的.

返到亞皆老街, 見到後巷亦有濃煙冒出. 另外亦見到一部客貨車(MPV), 可能係防火組人員. 之後處長到場, 其間不停有泵車(MP)及細搶救(LRU) 增援. 警方在彌敦道不斷擴大封鎖範圍, 而另一部茶水車亦到場.