雖然有一日要同老大出街, 但係有2日都唔見佢. 加埋佢大佬放假, 今個星期返工差唔多變成一種享受.
同事提醒今個星期出考試成績, 搞到我緊張咗幾日. 好彩唔駛喊住口交學費.
好嘞, 講番張相: 有云君子不近庖廚, 但係我差唔多半年無正正經經的沖咖啡, 無論如何都要用下d 工具, 如果唔係就好晒… 不過唔好誤會, 呢杯係經過加工嘅3合1奶茶, 絕無咖啡成分…..
最近2個禮拜都為咗 final year project 同電腦煩咗好耐… 最慘係而家2樣野都未解決. project 個題目可能廣泛到空泛; 新裝 windows xp 仲未有齊 vista 的軟件, 新 router d setting 仲未可以令到 NAS 做 web server… 2 個層面, 3 個目標, 90個問題, 百九幾種可能… 每日24小時… 唉….
如果我同大家講老麥, 大家一定明我講咩. 先排左面落單, 再排右面等食.
可能已經有人鬧: 邊有人咁白痴要人排2次嫁!!!
但係諗清楚D, 又原來唔少地方係咁…. 大XX, MX, 等港式快餐都係咁wor….
更有樣野你估唔到, 999 其實都係咁運作!!!
可能不同語氣, 出自不同人的口, 但有”豐富” 見工/轉工經驗的人都可能答過類似問題.
見呢份工時, 比人問過”你認為自己有咩能力可以勝任呢份工?”
“我以前做過保安, 輪過班; 亦都試過同一時間聽無線電, 聽電話同做文件, 可以同一時間處理幾件事. 另外, 有時我要在45秒內用電話把訊息傳遞.”
“但係我地係紀律部隊噃”
“我中學開始做童軍, 其後亦參與”志願服務”, 明白紀律生活”
-
另一次係”社交場合”, 比人問”點解你咁勁考到??”
“唔…. 可能因為我熟佢公司文化卦…. (話晒做咗4年)… 同埋可能之前個apprisal 好卦… (無錯, 我”番兜”佢)…..”
-
其實我都唔識形容我自己, 5年內做第5個engagement, 為3個部門服務. 今次仲要係做咗8個月(其中4個月training)就番去之前嗰度. 我真係唔知如果我再出去見工D老闆點睇我.
雖然我轉黎轉去都係同一個”僱主”. 鬼咩, 我老闆長工都有十幾萬人…. :p
唔知大家有無試過交條命比人. (例如做手術, 有D外展訓練包括一個站在高台邊緣, 然後向後倒, 讓高台下的人接住你嘅活動, 情況都近似)
我試過一次.
我本身怕水. 但係就係偏偏就要喺一幅海邊嘅崖頂比人放落崖底. 對腳撐住牆, 但係手係無野捉住, 唔跌落崖只係因為有一條10.5mm 粗嘅繩吊住. 上面唔係有野綁死, 而係有一個人belay 放你落去. (佢唔駛百幾磅力扯住, 但係佢一放手我就 byebye) 唔單止佢放手我 byebye, 佢放快D我都會成個人撞埋牆.
其實我係先放人落去, 然後至比人放落去. 放人落去時自己都有D驚, 但係當時我個精神狀態突然提高, 兼且突然自信一切順利. (而事實亦一樣順利)
就係呢種壓力令我精神. 所以我認為我應該應付到新工. 而個人經驗, 要人地放心交條命比你, 唔係話比佢知佢無得揀, 而係比信心人, 亦一定要溝通(但係唔一定要言語).
由於將會轉行, 以後多半沒有時間看新聞和寫地產 (新工不是地產界別). 自此 “港聞” 及 “外聞” 已合併到 “新聞/時事”.
另新增 “公共服務” 分類, 因新工仍然是 “為人民服務的工作”.
大家一定用過公眾廁所. 如果你有份設計, 你會點做?
題目係”廁所數”, 梗係要計數啦.
以我公司為例: 男廁有5個座位, 6個企位, 6個洗手盤. 成層樓一百人多d, 都算夠用.
問題係廁所無廁紙. 如果你要座就一定要早有準備: 番自己位攞紙 (公司配給每人每月一卷). 其實企都有需要噃, 咁你洗完手無理由返埋位先抺手嘛. 除非你用乾手機.
戲肉啦. 6 個洗手盤, 得2個乾手機. 即係話如果係無樽頸, 一個人洗手時間要係乾手時間3倍. (否則要排隊乾手) 廣告話洗手要30秒, (我自己就唔會捽自己對手咁耐…) 即係10秒內部風機要吹乾你對手. 撞啱我d咁快手嘅人, 咪得番7秒? 如果個風機7秒內可以吹乾你對手, 怕且風速勁過颱風, 或者d風熱過桑拿…
唔夠乾手機, 無超能乾手機, 無人對個洗手盤成分鐘, (又無人帶紙巾/手巾), 得2個可能結果: 一係隻手濕漉漉咁捉門柄拉門 (咁其他人乾完手又濕番), 一係有人唔洗手就拉門走!!! (咁其他人洗手為乜!?) (我頂, 我發覺舊公司同宜家公司老總嘅共通點就係呢樣!!!)
可能大家唔為意, 但係原來宜家有個 “blog野比賽”. 如果 游泳比賽鬥游水, 烹飪比賽鬥煮野食, “blog野比賽” 應該鬥 扑野… (唔好意思, 語音相近關係, blog 野 變 扑野)
原來呢個比賽唔係鬥扑野… 呀, 唔係, 係blog 野… 呀, 都唔係, 唔係扑野, 亦都唔係blog 野, 而係寫blog.
點解要用個咁嘅名? 你可以問我, 但係我會答你 “我唔知”. 又或者你去問主辦單位. 去邊問? 自己 search 個比賽名啦.
我唔知大家想唔想嬴部wii, 但係我諗我唔會為部 wii “blog 野”- 如果我真係嬴咗部wii 番屋企, 阿媽問我仲乜咁大洗, 我真係唔識答佢. 又如果問我嘅係女性朋友, 我答佢地咪等如 “申請” 比人告性搔擾??
我唔當自己係正人君子, 但係我都唔 buy d 咁嘅宣傳技倆. 賣野飲都要咁, 比間廣告公司做避孕套廣告仲得了? 賣廣告係希望人地受佢隻 product/service, 唔係淨係吸引人注意卦?
唔知大家有無見過咁嘅情況: 兩班火車相隔距離唔夠六個車廂… 印象中呢個就係上次裂紋事件元兇: Automatic Train Operation 的好處- 在繁忙的車站兩班車最短距離可以只有半班車…
係唔係 “華容道” o個類 game?? 唔係.
有說 “撫華道” 是 “華民政務司” 的別稱 (可參考方潤兄的xanga, 香港地方, 澳門基督徒文字協會等), 但熾天使書城 卻有一段記述 “…總測量官、華民政務司兼總稅務官和撫華道，行政、立法兩局的部分官守、非官守議員…”. 由此可推斷華民政務司和撫華道是兩個職銜 (雖然有段時期是一人兼任多職, 正如房屋規劃地政局常任秘書長(房屋) 是房屋署署長兼任). 同時, 政府法定語文事務部指 “撫華道” 是十九世紀初香港政府官員職銜, 根據政府檔案處提供的資料, “撫華道” 的英文名稱為 “Registrars General”. 維基百科亦有一項有關 James Haldane Stewart Lockhart (1858–1937) 的條目指 Registrar General 中文為 撫華道. 熾天使書城另一段有 “…華民政務司署的總登記官”. 翻查雙語法例資料系統, Registrar General 中文為 “註冊總署署長”. 而總登記官很可能就是註冊總署署長的前身或別稱.
若單純由字義出發, 撫華道為華民政務司別名一說比註冊總署署長更有說服力. 但要質疑政府檔案處會否一時大意把一人的兩項公職混為一談, 引致誤把 “撫華道” 當為 “註冊總署署長”, 則難以考証. 此外, 1898年英國租借新界前是應該沒有華民政務司的. 但1898年以前有已有土地紀錄; 除非 land officer 的中文名是撫華道, 否則 “撫華道” 是 “Registrar General” 的可能性甚高.
我可能唔會出現(有其他工作), 不過都宣傳下啦…
|
