唔知大家見過幾多款消防車? 可以上消防處網頁對下.
我有D懷疑自己係災星, 因為我見過好多消防車. LRU, MRU, ReT, HP, MP, LPA-PM, LPA-RM, RHP, HL, LT, MCU, CV, WSV, TL, Sknl, ALP, HLT, BAT, HT, FCC, FMC, MFT, MRT, FT, FIV, DT, MRV, MFV, MCTC, RRV, EMC ….
可以話除左船, BFT, LFA, pod, MV, MPsV, MPU, 全部見過…(機場車我visit 時都見過)…. 好多架(好彩唔係全部) 都係見佢地做緊野….
今日教大家”叫白車”.
首先, 搵個電話. 基本上打得通就得. 但係如果有得揀, 用固網電話, 仲要唔好封鎖來電顯示為佳.
第二, 唔一定要打999. 如果你記性好, 可以打 2735 3355. 同樣係24小時熱線, 呢條係”救護車專線”. 如果你淨係要白車(註), 打呢過可能比打999快10秒咁多.
電話通咗之後, 如果你打999, 就直接話要救護車. 如果你打 2735 3355, 你可以講少一句. (其實999 都係飛線比 2735 3355)
真係駁通”救護車專線”: 乜都唔駛講, 首先講地址. 記住, 人地部電腦未先進到聲音輸入, 唔好講得太急.
人地入完地址, 一般會問咩事. 又一般唔理之前發生咩事, 淨係想知宜家傷病者情況係點. (頭暈, 腳痛, 肚痛, 氣促等)
唔好收線, 留多個聯絡電話. 當人地話救護車黎緊, 就大功告成.
註: 有時都係打999好過打直線: 交通意外, 有傻人, 打交, 人事不省(即係叫佢拍佢都無反應), 飲醉酒, 或者任何警察有”興趣”題目都係打999好D.
—
咩時候叫白車? 當有人要傷/病要去急症室又無能力自己去(行唔到), 又或者大鑊到趕唔切去急症(斷手斷腳, 心臟病發) 咪叫車囉. 唔駛錢唔怕叫? 視乎你係咪想自己個名喺鵝頸橋出現啦, 人渣.
早前政府表示公務員會加薪, 以補回之前的減薪及通脹, 避免流失允允.
現時政府有數萬合約員工不屬公務員編制, 故早前加薪安排不適用於該批員工(NCSC).
多數 NCSC 職位當年都有跟隨公務員減薪, 現時則沒有跟隨公務員向上調整. NCSC 合約年期多數不多於一年, 亦沒有增薪點機制, 即使有員工於同一職位工作多時, 其薪金亦不會隨經驗增加. 另外, NCSC 完全沒有薪金調整機制及晉升機會.
假設勞工市場”有效”, NCSC 其實沒有吸引力, 即有競爭力者會向私人市場流失, 沒有競爭力者(包括新畢業生) 才會選擇NCSC. NCSC 雖不是 “做又36, 唔做又36″, 但工作表現與前途/收入無關, 可以想像NCSC 效率高低.
但我竟然發現不少NCSC工作效率比公務員高. 有個別例子顯示有NCSC 的成本效益是公務員的4-5倍 (以工作量除以收入比較).
難道公務員比NCSC更值得加薪? 工作表現與前途/收入無關的制度又為何一直存在? 政府的效率有多高??
—
註: 本人是合約制非公務員(NCSC), 本文客觀性有待讀者評估.
—
有部份NCSC 打算抗議, 但我認為政府不會聆聽. 若勞工市場是”有效”的, 求職者應能在市場某處得到市值. 若私人市場找不到工作, 就証明勞工的價值就只有這麼少.
大家一定用過公眾廁所. 如果你有份設計, 你會點做?
題目係”廁所數”, 梗係要計數啦.
以我公司為例: 男廁有5個座位, 6個企位, 6個洗手盤. 成層樓一百人多d, 都算夠用.
問題係廁所無廁紙. 如果你要座就一定要早有準備: 番自己位攞紙 (公司配給每人每月一卷). 其實企都有需要噃, 咁你洗完手無理由返埋位先抺手嘛. 除非你用乾手機.
戲肉啦. 6 個洗手盤, 得2個乾手機. 即係話如果係無樽頸, 一個人洗手時間要係乾手時間3倍. (否則要排隊乾手) 廣告話洗手要30秒, (我自己就唔會捽自己對手咁耐…) 即係10秒內部風機要吹乾你對手. 撞啱我d咁快手嘅人, 咪得番7秒? 如果個風機7秒內可以吹乾你對手, 怕且風速勁過颱風, 或者d風熱過桑拿…
唔夠乾手機, 無超能乾手機, 無人對個洗手盤成分鐘, (又無人帶紙巾/手巾), 得2個可能結果: 一係隻手濕漉漉咁捉門柄拉門 (咁其他人乾完手又濕番), 一係有人唔洗手就拉門走!!! (咁其他人洗手為乜!?) (我頂, 我發覺舊公司同宜家公司老總嘅共通點就係呢樣!!!)
“報章報導今年七一遊行除要求普選外, 部份遊行人士亦要求保存香港電台, 釋放程翔, 保護學術自由, 就最低工資立法, 以及醫生, 社工及海外傭工加薪.”
七一遊行正代表了香港有言論自由, 人民可以說話. (可惜, 人民說的是不滿, 不是慶祝)
回歸十周年, 全港有超過450個有關活動. 什麼放煙花, 巡遊, 匯演, 差不多想得出的就有人辦. 我最近收到電訊管理局的信, 內容竟然是 “為回應社會人士訴求, 於7月1日後的一年可以改呼號, 由VR2 攺為VR10”竟然有人想到 “攺名換姓賀回歸”還要1年後要 “打回原形”, 原來人想不到的也有人辦. 信中沒有提及國際電訊聯盟的認可, 如果沒有的話, 天知道VR10是香港??
報章報導, 昨日有五名警員及一名示威者在一場試圖闖入房屋規劃及地政局局長孫名揚寓所的示威活動中受偒. 有關示威者中包括立法會議員梁國雄, 示威者認為房委會在公屋加租上限定為10%並不是真正 “封頂”.
另外, 有包括立法會議員何俊仁在內的30人闖入輕鐵天水圍站路軌, 要求輕鐵減車費.
—
咁樣示威抗議, 比以前d韓國佬仲差. 你今日去人屋企抗議, 幾時去搞人地屋企人? 應該立法, 如果有人喺路軌唔肯走, 車死都唔駛負責.
朝早食早餐, 又見無線賣蔡瀾逛菜欄. 突然驚覺, 佢同之前轁哥d節目都應該要家長指引.
點解? 佢地每一集都暴飲暴食, 仲要每次食野都叫到成枱都係. 餐餐三高一低 (高脂,高糖,高鹽,低纖) 你諗下如果你自己d仔女跟佢地咁食會變成點? 轁轁就真係人版啦.
身體唔健康不但只, 對心理都有影響. 宜家個個(廣告)都話要瘦, 如果d細路真係以為肥係罪, 你估佢地會自暴自棄, 定係地獄式減肥? 傷身, 傷心, 仲傷荷包!!
唔好以為呢d只係個人問題, 直情係社會問題! 如果太多人過肥係會對醫療系統造成壓力. 唔係純粹錢問題, 而係唔夠醫護人員. 仲有, 太多資源投入於醫療, 其實就係由其他地方抽撥過去, 即係成個人類文明發展減慢…
—
哈, 原來自己吹水咁勁!
我諗大家未必有 “會所” 會藉 (除咗gym, YMCA, 屋苑會所), 但係可能大家間唔中都會幫親下d咁嘅會所.
我講緊樓上cafe.
如果你醒目, 可能會發覺有d樓上cafe 門口有個牌寫住 “只招待會員”. 但係你入到去一樣有人serve 你, 埋單時無問你係咪會員, 更加無叫你入會.
唔知呢單新聞有無代表性呢??
|
