在Yahoo! 看到2 單新聞, 大意是社民連抗議中大警告中大學報學生.
雖然唔知中大學報事件同佢有咩關係 (呀, 諗到啦, 佢定位係反對派), 但係如果佢唔去抗議, 我都唔會上佢website, 更加唔會知原來社會民主連線係走共產路線!!!
在成立宣言中, 佢地話要 “財富再分配，將公用事業、社會服務和基本建設全部或部份由公眾擁有”, 此外, 宣言中亦贊成兩岸和平統一.
在宣言最後, 佢地仲要話自己”更是絕不搖擺的左派“
真係失覺晒, 我宜家先知佢地做乜.
—
(點解標題係中大, 但內容完全無關?? 咪就係因為比人抽水囉)
電郵是每個網民生活的一部份, 垃圾電郵又是電郵的一部份.
垃圾電郵有文憑, 賭場, 性用品, 貸款, 抽獎… 較溫和的有已登記網站的通訊, ISP 的廣告, 朋友過量的轉寄…
不過我覺得最賤就係一 d 會偷人通訊錄的電郵. 什麼網上社群, 登記了電郵地址還要你輸入電郵密碼, 然後大量散佈電郵到你通訊錄中的人. 如果大家登記咗, 唔緊要, 我都試過被騙, 記住兩樣野啦: 1. 電郵密碼和其他綱上密碼一定要分開; 2. 當 email service provider 以外的網站要求輸入電郵密碼, 即刻走人!!
大家如果有行山, 都可能有部409. 唔知係乜? 宜家d 食肆帶位有多時都用個d對講機呢… 有 hand free, 細細部個d…
希望大家唔好以為宜家買對講機係 “老馮” 合法. 根據電訊條例, 無線電器材如無豁免, 都要領牌. 咁邊d 係合法嫁? 去電訊管理局查下啦. (或者 http://www.ofta.gov.hk/zh/tec/equip-exempted/group_3c_c.pdf )
“我本身部 ham 機都可以o係 409 操作 bor… 咁咪慳番百幾蚊?” 如果你唔用指定型號, o係409操作係犯法!! 如果你用 ham 機o係牌照許可以外頻率操作, 唔係犯法係咩!?
同上個 post 一樣, 唔信唔關我事, 我唔係有關法例執法者, 正如有人殺人放火我都阻佢唔到. 不過唔該唔好同我坳.
唔知大家有無msn, 但係我發覺有d人個名多咗個 “i’m”. 知唔知係乜東東?
原來係ms 一個非常偉大的計劃. 他們會捐錢到9個團體, 而你用 msn 講得越多, 佢捐得越多. 條件係: 你用 msn live 8.1 以上, 把指定的 code 加到自己 msn 的 nick 中, 以及在美國或哥倫比亞. 唔知身在香港的朋友仔係唔係貪得意加個公仔上去自己個名度呢?
唔信我唔緊要, 你可以去 i’m 個 press resources 度睇 faq, 或者乜都唔做, 單純 “唔信唔駛理由”.
seems the government is getting strict about intelligent property. in strict sense ripping CD’s to MP3 is an offence. sharing what u hv is an offence.if it continues to develop, i suggest not to hv children, for you will commit a crime when you read story books to your children (they didn’t pay for the book); teaching what you learn from books is also a crime as your students did not pay for the books you read. some day descendant of Descartes will come to ask for money when you use the Cartesian Coordinate, and you need money when you want to apply Newton’s first rule.
now we may hv money if we hv knowledge. in future we must hv enormous money to gain any knowledge. knowledge will become privilege soon if we continue to protect the interest of capitalists.
報章 (三月三日) 廣泛報導21名民主派立法會議員(不包括梁國雄, 陳偉業, 梁耀忠和劉慧卿) 就普選藍圖達成識. 當中包括特首選舉由1200人組成的提名委員會提名, 並將提名限額由100人降至50人. 立法會方面, 則建議取消功能組別, 而立法會中的一半議席由直選產生, 另一半則由比例代表制產生.
民建聯馬力認為有關建議與05年政府有關特首普選建議十分相似. 自由黨田北俊認為如提名委員會有1200人, 特首候選人應有150名提名.
—
如果提名委員會有1200人, 50人提名就可以參選, 咁最多咪有24個候選人?? 宜家Alan 有超過100個提名, 但係民意都好似唔係好高, 唔通認受性(中央又好, 市民又好)低到得50個提名都可以 “做好呢份工”??
每年年宵, 必定人山人海. 連帶附近的店舖也旺起來. 銅鑼灣維園 和旺角花墟都是年宵的指定地點, 但大埔就不同: 可說是流離浪盪. 以前是在鄉事會路的球場進行, 但球場變了市政大廈, 上年就搬到大埔頭, 今年就是天后廟. 以往在鄉事會路是最旺的, 因為距火車站只是10分鐘路程, 又近大埔墟. 上年大埔頭, 可說十分偏僻, 加上下雨, 非常冷清. 今年在天后廟, 近新墟 (商場), 加上地方細, 十分擠.
相較旺角花墟, 大埔以濕貨(年花)為主, 而旺角則以氣球/充氣公仔為主. 旺角有大量的年青人(尤其是女孩子)當店員. 大埔則有老有嫩. 其實大埔是比較有新年氣氛的, 而旺角年宵是像一般的賣物會. (為什麼年宵要賣女性內衣和地拖?)
今日唔返工, 去返學.
第一堂係management. 由於是英國大學, 自然是”搵鬼教”. 阿蛇的教法可是香港人最怕的魔鬼教學法.
30多人的lecture, 阿蛇玩互動. 一般人會話”識答舉手”. 當然沒有人舉手. 阿蛇看中這點, 佢永遠都係話 “唔識就舉手”. 慣性關係, 又係無人舉, 即係個個都識, 咁咪求其叫人答. 唔識唔緊要, 阿蛇多番強調 “唔識唔緊要, 識晒就唔駛上堂”; 不過唔識就要問, 求先個個都話識, 咁同學宜家你點個人答你. 同學仔話上到好驚, 唔敢瞓. 其實咁上堂真係比較攰. 不過阿蛇正如話 “not too painful, right?” 間唔中開口答下阿蛇, 都可以避免口臭.
第二堂係law. 好悶, 佢真係講”碌矢” (地盤中, 混凝土 = 石矢 = 石屎). 同學仔頃偈, 無比人啤, 淨係比人鬧. 太悶關係, 我臨完場都失去知覺.
—
以前都上過鬼堂, 佢地都好強調要問, 要知d theory 點解. 其中有個識中文嘅鬼話 “if you don’t ask 點解, then you’re a dim guy” 希望大家明白, 和認同.
真好, 大家弄得鬧哄哄, 其他新聞也像消失了.
Alan 明知自己唔夠人玩, 都要去馬, 話要”引起公眾討論, 突顯小圈子選舉的荒謬”. 你唔諗住做, 又走去選; 你假借參選, 另有所圖, 又有人支持. 這就是政治.
Donald? 明知一定得, 避免與人直接交峰, 亦好逸代勞. 畢竟一個政壇老將, 要對付一個新丁, 怎不會勝之不武. 其實Donald 可能比老董有更高服從性, 否則一早跟陳太走啦. (我諗佢唔係咁貪錢卦..)
明報報導, 大埔多個團體已成立慶祝回歸10周年委員會打算舉辦一個「海陸空」的大型表演慶祝回歸十周年.
大家知不知道, 在開埠初期, 大埔是新界的中心, 英國接管新界的儀式亦是在大埔舉行. 而現時大埔海濱公園的回歸塔的位置, 就是1898年英國登陸接管的地方?
|
